Գատտոն կարծում է, որ մենք շատ գումար ենք ծախսում դպրոցի վրա բացի այդ երեխաների դաստիարակության մեջ չափից շատ մարդիկ են ներգրավված։ Եվ ըստ նրա այս ամենը շատ վտանգավոր երևույթներ են և խոչընդոտ են հանդիսանում կրթության համար։ Ըստ Գատտոի մեր արժեքի վրա ունի ազդեցություն նաև այն ժամանակն ու փողը , որ մենք ծախսում ենք կրթության վրա։ Բայց IBM ի փոխնախագահնել հայտնել է կարծիք, որ մարդկանց մեծ մասը համակարգչային գրագիտության հասել է ինքնուսուցման միջոցով և ոչ թե դպրոցական ծրագրերի շնորհիվ: Նա ասել է. «45 միլիոն մարդ, որոնց հարմար է համակարգչով աշխատել, սովորել են ինքնուրույն՝ օգտագործելով տասնյակ ոչ համակարգված մեթոդներ, որոնցից և ոչ մեկը լիարժեք ընդունված չէ:
Կան տարբեր դպրոցներ։ Դպրոցներ , որտեղ ուսումը երկար է տևում և դպրոցներ որտեղ ավելի կարճ։ Դպրոցը դարձել է եկամտաբեր մոնոպոլիա։ Հենց դրա համար մեր ուշադրությունը սևեռում են երկարատև կրթություն ունեցող դպրոցների վրա։ Եվ հիմնականում տիրում է գիլդայի համակարգը, որը նշանակում է, որ որևէ մեկն իրավունք չունի առաջ անցնելու մյուսից, իրավունք չկա ներդնելու նոր տեխնոլոգիաներ, չի թույլատրվում իմպրովիզներ` առանց գիլդիայի մեծամասնության համաձայնության:
Ստացվում է, որ դպրոցի նպատակը բանակի հնազանդ զինվորներ, Հանքերի հնազանդ աշխատողներ, Ամբողջությամբ կառավարությանը ենթարկվող պաշտոնյաներ, Տնտեսության մեջ` ենթակա աշխատողներ.Քաղաքացիներ, ովքեր հիմնական հարցերում միանման են մտածում:
Ժամանակակից հասարակության մեջ, ասել է Դյուին, մարդիկ կգնահատվեն ըստ իրենց թիմի, և ոչ թե անհատական ձեռքբերումներով: Նման աշխարհում մարդիկ, ովքեր շատ լավ են կարդում, կամ կարդալն ավելի վաղ են սովորել, վտանգավոր են, քանի որ ունեն անհատական ուժ, չափազանց շատ գիտեն և ինքնուրույն, առանց փորձագետի խորհրդատվության կարող են պարզել այն, ինչն իրենք են պարզել։
Պրուսական դպրոցական համակարգի ամենահետաքրքիր կողմնակի արդյունքներից մեկը ժամանակակից պատմության 2 ամենաավերիչ պատերազմներն էին: Էրիխ Մարիա Ռեմարկը իր դասական ստեղծագործության մեջ՝ «Արևմտյան ռազմաճակատում անփոփոխ է», մեզ ասում է, որ առաջին համաշխարհային պատերազմը եղել է ուսուցիչների հնարքով, իսկ նշանավոր բողոքական աստվածաբան Դիտրիխ Բոնհյոֆերն ասել է, որ երկրորդ համաշխարհային պատերազմը դպրոցների լավ աշխատանքի անխուսափելի արդյունքն էր:
Կարևոր է նշել, որ Բոնհյոֆերը բառացի է ձևակերպել, այլ ոչ փոխաբերական. պրուսական օրինակով դպրոցները վերացնում են ինքնուրույն մտածելու ունակությունը: Այդպիսի դպրոցը մարդկանց սովորեցնում է սպասել, որ ուսուցիչն իրենց ասի` ինչ անեն, և լավ կամ վատ գնահատի իրենց արածը: Պրուսական կրթությունը կաթվածահար է անում ինչպես բարոյականությունը, այնպես էլ միտքը: Այո՛, որոշ լավ սովորած ուսանողներ խելացի են երևում, որովհետև նրանք լավ հիշում են մեծագույն փիլիսոփաների բազում մտքեր, բայց իրականում նրանք խեղված են, քանի որ նրանց մտածելու ունակությունը մնացել է տարրական մակարդակի և չի աճել:
Որպես էական բացառություն՝ մնացին այն երեխաներ, ովքեր կարող էին իրենց թույլ տալ մասնավոր կրթություն ստանալը: Բայց կարևոր է նշել, որ պրուսական դպրոցական համակարգի հիմքում ընկած էր այն միտքը, որ պետությունն է երեխաների իսկական ծնողը, պետությունը կարևոր է ընտանիքից:Այս գաղափարի առավել ծայրահեղ տարբերակն այն է, որ կենսաբանական ծնողներն իրենց երեխաների թշնամիներն են, պետք չէ նրանց վստահել: Ինչպե˜ս կարողացավ երեխաների բթացման պրուսական համակարգը գրավել ամերիկական դպրոցները:
Բայց ապագան այդքան էլ հստակ չէ: Բռնությունը, թմրանյութերի ազդեցությունը, բաժանումները, ալկոհոլը, միայնությունը վատ կրթության հստակ նշաններն են: Իհարկե, որպես կառույց` երեխաների ժամանակի մենաշնորհային տնօրինման համար դպրոցները կարող են պատասխանատվության ենթարկվել: Ժողովրդավարության պայմաններում ոչ թե փորձագետները կարող են վերջնական դատավոր լինել, այլ միայն ժողովուրդը:Վստահե՛ք ժողովրդին, տվե՛ք նրան ընտրելու հնարավորություն, և մի սերունդ անց դպրոցական մղձավանջը կանհետանա։